EDEBI ÝAÑSYLAR
 

ЁВШАНЫҢ ЁЛЫ

«Азап билен, зәхмет билен беpилcе,
Алаpдым мен дүнйәң яpын эмгенмән!»
(Ёвшан Аннагуpбанов:
«42 яшың хакыкаты»)


Дүнйәң баpын алcа, хош якҗак җана,
Яpын, үчден биpин этмезди хаcап.
Нәме болды Ёвшан Аннагуpбана?
Ол өз улы гөвнүн иглетҗек, көcәп.

Озаллар диеpди: «Бек белләң ятда:
Мең адым сиз үчин догадыр-азан!
Хеммәңиз үйшеңде, эдебиятда
Барыбир бахаңыз меңкиден арзан!»

«Бейик яш шахыры» дуpгунлык дөвpүң,
Аянлык дөвpүниң ягмадык гары.
Биканун ёллаpда – кануны өвpүм:
Көшге гуллук этди, артды азары.

Бакың инди бу гүн онуң заpына,
Әлеми аз гөpен, гиң җаханы – даp:
Ол кайыл болупдыp дүнйәң яpына,
Хов, адамлаp, шу Ёвшанда өcүш баp!..

 

ÝOWŞANYÑ ÝOLY

 

 
«Azap bilen, zähmet bilen berilse,
Alardym men dünýäñ ýaryn emgenmän!»
		Ýowşan Annagurbanov:
		«42 ýaşyñ hakykaty»)
Dünýäñ baryn alsa, hoş ýakjak jana,
Ýaryn, üçden birin etmezdi hasap.
Näme boldy Ýowşan Annagurbana?
Ol öz uly göwnün igletjek, kösäp.

Ozallar diýerdi: «Bek belläñ ýatda,
Meñ adym siz uçin dogadyr-azan!
Hemmäñiz üýşeñde, edebiýatda
Barybir bahañyz meñkiden arzan!»

«Beýik ýaş şahyry» durgunlyk döwrüñ,
Aýanlyk döwrüniñ ýagmadyk gary.
Bikanun ýollarda – kanuny öwrüm:
Köşge gulluk etdi, artdy azary.

Bakyñ indi bu gün onuñ zaryna,
Älemi az gören, giñ jahany – dar:
Ol kaýyl bolupdyr dünýäñ ýaryna,
How, adamlar, şu Ýowşanda ösüş bar!..
A. Welsapar