SATIRA WE ÝUMOR

Keçetelpek, ýagşy herne dilegim,

Söýdügim meýlisdir, gaçgynym goh, jeň,

Sözüm kesä çekmäň, ters düşünseňiz,

”Eý” diýdigim, ”beý” diýdigim däldir meň.

***
KEÇETELPEGIŇ
SATIRIKI USSHANASY

***
Güneşiň redaksiýasyndan:

TAPDYŇ BU TAÝDA KEÇETELPEK TÜRKMENI!

***

Keçetelpek

ÇÖPLÜKDE ÝITEN ŞAHYR

Çöp-çalam

Ýalňyşýanmy, çöp köpeldi köçede,
Gaçyp, tezip sypara ýer ýok ýaly.
Ýöne şuňa geldim bir kem ellide,
Çöp bolana ýapmaýarlar ak ýoly...

           Ýowşan Annagurban

***

NAMART

Men Gökdepä öz galamdyr diýipdim,

Annamyrat Poladyňky ekeni.

Men Tejene öz derýamdyr öýdüpdim,

Wah, dürsüň däl, galadyňky ekeni.

Men Şabada guwanypdym boýunda,

Sapar Örä tarap akdy, neýläýin?

Men Murgapda balyk tutdum oýumda,

Iş ýüzünde ýylan çakdy, neýläýin?

                                         Ýowşan Annagurban

 ***

Keçetelpek

DERÝASYZ ŞAHYR

Edebi ýaňsy

  ”Mert özünden görer, namart – ýoldaşyndan!”

                              Türkmen halk nakyly

Adamlar!

Men size arzym aýdaýyn,

Ozal wezipäni çapyşan artlap,

Dostlarym bigaýrat çykdylar aýyn,

Olar menden ýüz öwürdi namartlap!

Sapar Öre aldy menden Şabady,

Lebaby – Akmyrat Hojanyýazow.

Ýok ekeni dostlarymyň abady,

Ýary açgöz eken, ýarysy – kelew!

Aldylar Uzboýy, Murgap, Tejeni,

Ýene biri – Gökdepäniň galasyn.

Hazar deňzi – Onjugyňky ekeni,

Etregiň eýesi – Nurbadow Kasym.

Boş öwgüni ozal çyna ýordum men,

Öz bolşumy hasap etdim yrýasyz.

Tejen derýasyny kiçi gördüm men,

Azyrganyp, galdym bu gün derýasyz.

Diňe adamlar däl, mör-möjeklerem,

Indi meni görse, gözümi çokjak:

Olar hüjüm edýär, ýok asyl kerem,

Biri çakjak, biri, bagyşlaň, sokjak…

Içýanlar daşyma geçdi Lebapda,

Murgapda ýylanlar ýagy boldular.

Möýler mörmüldeşip gadym Şabatda,

Hywa tarapymdan çozup geldiler…

Ýogsa, kändi meniň ozallar dostum,

Kändi ülpetlerim, kändi meň şepäm.

Belki, gözlerini gapandyr postum,

Entek barka meniň elhal wezipäm.

Emma ýüz öwürdi dostlar bada-bat,

Köşkden, wezipeden kowulan günüm.

Şeýdip, orta ýolda dostsuz galdym, dat!

Adamlar,

Şu gezek aldamok, çynym!

Neýleýin, bagtym keç!

Bu derdim köne.

Ahmyr, kitüw – ýüregimde baky dert.

Meň özüm – ganatsyz perişde. Ýöne

Meniň dostlarymyň hemmesi namart.

***

 ”OZALKYLARA” BIR SORAG!

Kinaýa

Ozalky ministr, ozalky gerçek,

Ozal güne ýakman öz depäňizi,

Siz-how, näçe wagt mazamlap gezjek,

Utanman, ozalky wezipäňizi?

“Ozalky deputat” – syn ediň gelip!

Ozalky barmak hem ozalky dyrnak!

Aýyp dälmi, bäş gün deputat bolup,

Soňra galan ömrüň öwünip ýörmek?!

Uçup bilmese-de gögi gulaçlap,

Gara gargalaňam pes däldir päli.

Türkmenbaşyň beren emelin buşlap,

Agzyňyz dolduryp, ýaňraň bakaly!

Magşar güni bar hemmäniň başynda,

Şoň üçin bu sorag görülmez aýyp.

Aýdyň, ýazmalymy mazar daşynda,

Ölüp, gömülseňiz, ”ozalky” diýip?

 ***

Edebi ýaňsylar we

SATIRIKI MONJUKLAR

1. Onjuk Musa
2. Sapar Öre
3. Baýram Jütdi
4. Näzik Annaty
5. Gözel Şaguly
6. Ýowşan Annagurban
7. Ilinden bizar adam...
8. ”Ahalda jaýlaň meň ahally meýdim”

9. Süleýman Ilaman

***

ADYNY AÝTMAKDAN SAKLANAN…

Köçe gürrüňi

- Ildeş, saňa soragym bar.

- Soraber!

- Ýagdaýlar gowumy?

- Gaty erbet däl:

Aýalym ynanjaň, çagalam bet däl.

- ”Adyny aýtmakdan saklanan” diýip,

Ildeş, saňa at bermekçi ajaýyp!

- Döwür şeýle, bize edermenlik ýat,

Türkmene gelişmez şondan batyr at!

- Döwür hakda seň pikiriň nähili?

- Aý, boljak, tapylsa: çörek, et, ýag, süňk.

- Ildeş, pes görünýär ruhuň hili,

Gepiň çylşyrymly, jogabyň haňk-huňk.

- Nädeli, günümiz şeýle-dä, eset,

Diýseň, daşyň ýanýar, diýmeseň – içiň.

Hökümeti tankyt etseň – sen jeset,

Ýöne ne gömüljek, ne boljak üçüň…

- Ine, bu başga gep, düşnükli indi,

Jogabyňda ýüzüň aýdyň göründi.

Şeýdip, senem düşnükliräk samyrda,

Ýörän ýaly etme meni ümürde!

***

Gezende halk

 Türkmen eklenç diýip, her gün dag aşýar,

Goýanok özbegi, gazak-galpagy.

Il gezýämi, menem gezýän, nä gezmän?

Tapdyňyz bu taýda Keçetelpegi!

Dowamy

***

GUTLY BOLSUN!

***

DOŇUZLARYŇ DOSTY

Edebi ýaňsy

                       Dowamy

***

"Akjagül"…

(Iki sakgaldaşyň gürrüňi)

- Essalawmaleýkim!

- Waleýkimsalam!

- Soraşyň!

- Sizdendir! Soraşyberiň!

- Obalar saglykmy hem goňşy-golam?

- Şükür. Bizem entek üstünde ýeriň.

                                 Dowamy

***

ÝARANJAŇ

Başlyklar ne diýse, agzyny açar,

Her sözün howada gapar ýaranjaň.

Her ädimde üzeňňiden üç geçer,

Güýçlüniň göwnüni tapar ýaranjaň.

                                             Dowamy

***

GAÝRAŇYZDAN GEÇÝÄN KÖÇEDE DURUP!
Türkmen poeziýasynda ýaňsy janry

Biz ýaňsynyň gowy taraplaryny göz öňünde tutup, ”Güneşde” bu janra degişli eserleri çap etmäge başlaýarys. Türkmenistanly şahyrlara hem öz köne we täze ýaňsylaryny bize ýollasalar, olary çap edip, köpçülige ýetirjekligimizi habar berýäris. Bu gezek siziň dykgatyňyza geçen asyryň 80-nji ýyllarynda şygyr söýüjileriň arasynda uly meşhurlyk gazanan "GAÝRAŇYZDAN GEÇÝÄN KÖÇEDE DURUP!" atly edebi ýaňsyny hödürleýäris.

”Güneş” Internet saýty

***
Bazar Guzybaý: Gaýraňyzdan geçýän köçede durup!