SÜLEÝMAN, SEN MURA BIR GULAK GOÝGUL!

Magtymguly

”Haýyşym,
Haýwanat bagyna barmaň!
O ýerde maýmynlaň
Düzüw däl päli!”

Süleýman Ilamanov, 1975 ý.

***

”Sen ne okap bilýäň,
Ne ýazyp bilýäň…
Görkezeýin diýsem –
Ýegenlik haty,
Daýymyň iti,
Daýymyň iti!”

Süleýman Ilamanov, 1976 ý.

SÜLEÝMAN, SEN ILE BIR GULAK GOÝGUL!

Süleýman, sen ile
 Bir gulak goýgul!
 Sözüni diňlegil,
 Pendine uýgul.
 Eger şahyr bolsaň,
 Mydam mert ýaşa:
 Ýa aç ýat,
 Ýa halal
 Çörekden doýgul!
 
 Ne körüň bar
 Hanyň aýak astynda?
 Ne aryň bar
 Iliň-günüň kastynda?
 Ýüzüne bakma sen
 Minnetli meýiň.
 Doýsaň,
 Öňküň ýaly
 Arakdan doýgul!
 
 Sen bu gün ne adam,
 Ne-de bir şahyr,
 Galplyk şahyrlara
 Ýaraşmaz ahyr!
 Ite igenerdiň
 ”Edepsiz” diýip.
Şol igenji indi
 Özüňem iýgil!
 
 Aýy iki bölen
 Söýgiň nirede?
 Hany seň ynsabyň?
 Duýgyň nirede?
 Käriňe, özüňe
 Dönüklik etme.
 Söýseň, soltany däl,
 Iliňi söýgül!

 Goşgy ýazdyň il-gün,
 Maýmyn, it hakda,
 Erkindiň. Galdymy
 mertlik ýaşlykda…
 Indi sen at aldyň
 Ýaranjaňlykda.
 Ýa lal otur!
 Ýa-da
 Rastyňy diýgil!

A.Welsapar