NÄZIK ANNATYŇ BOÝNUNA MONJUK

ÜÇ ÝIGIT
 

                       Ýowşan Annagurbana,
                      Annaguly Nurmämmede,
                      Hemem D.M.Gurbana

”Üç ýigit – üç ezizlem,
Meniň pikirdeşlerim”
…Siz guruljak binalaň
Baky synmaz syrçasy.
Daglaň gursagyn ýaryp,
Ösýän ýaşyl arçasy.
Daşgyny siz derýalaň,
Hem joşguny akaryň.
Sizi bu dünýä beren
Enelere aperin!
Atalara aperin!
                                                Näzik Annatyýeva,
”Sovet edebiýaty” jurnaly, 1990, Nr 11, 154 sah.

SEN HÜNÄRI HARLAMA!

Näzik, özüň horlama!
Her görene baş egip.
Sen hünäri harlama,
Goşgyň bogazyn bogup!

Pese düşdüň, ýokdur çen,
Başa etek bürenýäň:
Il ýaransa hana,
                         sen –
Ýaranjaňa ýaranýaň!

Seniň öwýän ”gerçekleň”
Türkmenbaşyň gullary,
Köşkde işläp, birçaklar,
Äsgermedik illeri.

Peşmek däl, Hudaý uran,
Köwseň, senem töňňe köw:
Ýaransaň, hana ýaran,
Öwseň, prezidenti öw!

Eýse, şahyra pälmi,
Ýykylmak gurruk guýa?
Ýa saňa hökman dälmi:
Wyjdan, utanç hem haýa?!

Näme tama edýäň sen
Tilki, şagal, towşandan:
A.Nurmämmet, D.Gurban,
Annagurban Ýowşandan?!

Olar ýalan sözleýär,
Zehinleri – bir çümmük.
Handan haraý gözleýär,
Samraşyp gümmük-sümmük!

Şolar dälmi öň gagşap,
Nadana lepbeý diýen?
Onuň ellerin ogşap,
”Türkmenbaşy” at goýan!

Ýallaklap, düzüp nama,
Ulanyp, hile-alyň,
Seniň maksadyň näme?
Näme seniň hyýalyň?

Pikirdeş şolar bolsa,
Diýmek, mätäç sen aňa:
Seniň eneňe nälet!
Nälet seniň ataňa!

A.Welsapar