MAGTYMGULYNYÑ POEZIÝA GÜNI

MAGTYMGULY DIÝSEÑ – TÜRKMEN, TÜRKMEN DIÝSEÑ-DE – MAGTYMGULY GÖZ ÖÑÜNE GELÝÄR. ŞAHYR ÜÇIN ŞUNDAN BELENT DEREJE ÝOKDUR.

BU GÜN DÜNÝÄ TÜRKMENLERI ÜÇIN ULY MILLI BAÝRAMÇYLYK – MAGTYMGULYNYÑ POEZIÝASYNYÑ GÜNI.

MAGTYMGULYNYÑ ÖLMEZ-ÝITMEZ GOŞGULARY TÜRKMENLERIÑ UMUMY MILLI BAÝLYGY, MILLI GUWANJY, GÖZÜNIÑ GÖREJIDIR.

MAGTYMGULY DÜNÝÄ TÜRKMENLERINIÑ HEMMESINIÑ RUHY ŞAMÇYRAGY, ÝOLKÖRKEZIJISI, UMUMY KÖÑÜL BAÝLYGYDYR.

MAGTYMGULY POEZIANYÑ GENISIDIR. ONUÑ ADY NOWAÝY, NYZAMY, PUŞKIN, LERMONTOV, SAADY, FERDÖWSI, RUDAKY, BAÝRON, GEÝNE, ŞILLER, GETE ÝALY BEÝIK ADAMZAT GENILERINIÑ DEÑINDE TUTULÝAR.

MAGTYMGULYNYÑ ŞAHSYÝETI, DÖREDIJILIGI BIR HAKYKATY SUBUT EDÝÄR – DÜNÝÄDE KIÇI MILLET ÝOK, DIÑE KIÇI ADAMLAR BAR. MAGTYMGULY ÖZ BELENT ADAMKÄRÇILIGI, AJAÝYP ŞYGYRLARY BILEN AGLAK DÜŞEN TÜRKMENI KYN GÜNDE BIR GEZ BEÝGELTDI, ADAMLARYÑ ÝÜREKLERINDE ERTIRKI GÜNE ÖÇMEJEK YNAM OÝARDY.

TÜRKMENIÑ BELENT ADAMKÄRÇILIKLI GUMANISTIK RUHUNDAN, ONUÑ BAÝ, DÜÝPSÜZ EDEBI GORUNDAN ÇOGUP ÇYKAN BU DANA ŞAHYR ÖZ HALKYNYÑ ADYNY ARŞA GÖTERDI.

MAGTYMGULY ÖZ ÖLMEZ-ÝITMEZ ESERLERI BILEN TÜRKMENIÑ MILLI MEDENIÝETINI, RUHUNY, DILINI, ONUÑ MILLI FILOSOFIASYNY SÜNNÄLÄP, ÝOKARY DEREJELERE ÝETIRDI.

MAGTYMGULY DIÝSEÑ – TÜRKMEN, TÜRKMEN DIÝSEÑ-DE – MAGTYMGULY GÖZ ÖÑÜNE GELÝÄR. ŞAHYR ÜÇIN ŞUNDAN BELENT DEREJE ÝOKDUR.

MAGTYMGULYNYÑ GOŞGULARYNY OKAP, ONDAN MANY ALYP BILÝÄN ADAMLARA DIÑE BELENT IŞLER ÝARAŞAR.

MAGTYMGULYNY MAGTYMGULY EDEN ZAT – ŞAHYRYÑ ÖZ ILINIÑ ODY BILEN GIRIP, KÜLI BILEN ÇYKANLYGYDYR.

MAGTYMGULY TÜRKMENLERI BEÝIK IŞLERE ÇAGYRYPDYR. OL TÜRKMENIÑ GOWY GYLYKLARYNA GUWANYPDYR, ÝAMANYNA ÝANYPDYR.

TÜRKMENLERE HER BIR IŞDE MAGTYMGULA GARAP ÝAŞAMAK, ONDAN GÖRELDE ALMAK DOGRY BOLARDY. SEBÄBI MAGTYMGULYNYÑ BEÝIK ADAMKÄRÇILIGI, ARASSA YNSABY, AHLAGY, MERTLIGI, DÜRDÄNE AKYLY, DANA PAÝHASY HER BIR TÜRKMEN ÜÇIN EBEDI KÖNELMEJEK NUSGADYR.

MAGTYMGULA GOLAÝLAŞSANDA, TÜRKMEN ÖZÜNE GOLAÝLAŞÝAR, MAGTYMGULYDAN DAŞLAŞANDA, ÖZÜNDEN DAŞLAŞÝAR.

Ak Welsapar, ýazyjy