Keçetelpek, gezdim türkmen ilini!

Gezende halk

 Türkmen eklenç diýip, her gün dag aşýar,
Goýanok özbegi, gazak-galpagy.
Il gezýämi, menem gezýän, nä gezmän?
Tapdyňyz bu taýda Keçetelpegi!

 Dilime degmäň!

Keçetelpek, gezdim türkmen ilini,
Gördüm tikenini, gördüm gülüni,
Doýa garnym doýmasa-da oňaryn,
Eger kesmeseler duzly dilimi!

 Türkmeniň ahwaly

 Ne döw çaldy bu gaýduwsyz türkmene,
Eklenç üçin goýun däl, it gyrkyp ýör,
Ata-baba ”dagdan kelle” getiren,
Indi gündiz kölegeden gorkup ýör!

 Ne ruh galdy ne nama!

Halkyň ruhun götermeli ”Ruhnama”
Ýazylansoň, ne ruh galdy, ne nama!

Çingiz han we Türkmenbaşy

 Türkmeniň iline mongol Çingiz han,
Eden däldir Nyýazowdan kän zyýan...

Garnym – gapjyk!

 Bazara barýaryn, garnym-a gapjyk,
Puluň hümmeti ýok, bahalar sypjyk.

Aldawçydy neresse…

Bir göleli sygyr, bir jaý, bir maşyn,
Bu wadalar bitmedi hiç seretse.
Türkmenbaşy aldap gitdi türkmeni,
Barypýatan ýalançydy neresse…