GAÝRAÑYZDAN GEÇÝÄN KÖÇEDE DURUP!

…Ýaz aýy garaşmañ kynçylygy ýok,
Alnymyzda gyş bar – bolaryn heläk,
Gaýrañyzdan geçýän köçede durup!
                                            Kakajan Rejebov

Kakajan Rejep doñup galypdyr,
Gaýrañyzdan geçýän köçede durup,
Ýüregini sen däl, sowuk alypdyr,
Gaýrañyzdan geçýän köçede durup!

Üstüni basypdyr geçen gyşky gar,
Ýüzünde ne gany, ne-de peti bar,
Wah, neresse, şindi-şindem intizar,
Gaýrañyzdan geçýän köçede durup!

A gyz ne beýle sen, daşmydyñ, düwün?
Ýa-da ýokmy sende ýürekdir göwün?
Aşygyñ hununy soraýas bu gün,
Gaýrañyzdan geçýän köçede durup!

 Bazar Guzybaýev
“Tokmak” jurnaly, 1980-nji ýyllar