GARA GAÇAN GÜLLER…

Gara garga

Gara garga
Meñ aýnamyñ öñünde
Gürreje silkindi.
Nämäñ küýünde?
Gagyldaýar: gak! gak!
Uçdy-da soñam
Özi üçin başga bir ýer peýledi.
Gara ganatlarny kakyp, alyp bat,
Şükür, ýoluñ o ýüzüni saýlady.
Sen nämüçin meniñ ýüzüme bakdyñ?
Sen nämüçin gara ganatyñ kakdyñ?
Sen aslynda neçün geldiñ bu ýere,
Sebäp barmy maña gahar edere?
Sen maña derkar däl!
Gelsedi bilbil.
Ol saýrasa, uly iller bakardy,
Ýarym gelip, penjirämi kakardy…


Aýnañ daşynda…

Aýnañ daşynda
Gije-gündiz ýel…
Kalbym töründe
Ak garlykdan çöl…

Ümsümlik hem gar
Penjirede Aý –
Bu baýlyk maña
Senden ýeten paý.

Señ bilen gitdi,
Gülki hem söýgi.
Maña galany:
Gözýaş hem gaýgy.

Daşarda ýene
Ýeldir tupan, gar.
Kalbym töründe
Ak gardan gubar…


Men bu gün ýene ýatmadym…

Men bu gün ýene ýatmadym,
Uklap, kirpigim gatmadym.

Pal atdym, ters çykdy palym…
Guşlar alyp gitdi pälim.

Sabrym alyp galdy göge
Tötänleýin duşuşyga.

… Sowuk eýwan, ýerde gözüm,
Gaçaryn –
Duýmaryn özüm…


Bagda alma – reñki al…

Bagda alma – reñki oñ al.
Sen söýseñ-de, men aşyk däl!

Tamam. Barla ugrun tapyp!
Sen çykdyñmy – gapym ýapyk!

Jañ basylýar – bu nädogry,
Bukulýarsyñ misli ogry.

Ýitirdiñmi – sende ýazyk.
Bu sanawaç – saña azyk!


Garrylykdan gorkamok…

Garrylykdan gorkamok,
Başga zat ürkim…
Ýaş sanasam gaýgydyr,
Gaýgymdyr – gorkym.
Gök asmanda meñ ömrüm
Uçsyz-gyraksyz.
Abanýar gara bulut
Käte gereksiz.
Garrylykdan gorkamok,
Ol pälmi ýa däl?
Bu ýalñyzlyk nämekä –
Ykbalmy ýa pal?


Ak garyñ üstünde…

Garyñ üstünde,
Çolalyk ýolda
Ýatyrdy güller:
Agyr bir halda…

Men bu güllere
Edýärin ýardam.
Hem emaý bilen
Göterýän gardan…

Bu ýanan güller
Girermi sana?
Aýama alyp,
Getirýän jana...

Güller sen diýip,
Men hyýal gurýan.
Jan giren gülde
Geljegmiz görýän…

Rusçadan terjime eden A.Welsapar