DAŞARY ÝURTLARDA ÝAŞAÝAN TÜRKMENLERIÑ DYKGATYNA

”GÜN” neşirýatynda ”AK GUŞ BOLUP UÇSAMDYM!” we ”DIRILIK SUWY” atly kitaplar neşir edildi. Kitaplar dürli ýaşdaky mekdep okuwçylaryna niýetlenilen. ”AK GUŞ BOLUP UÇSAMDYM!” kitabynyñ içki sütüni edilip türkmen folkloryndan aşakdaky dürdäne setirler alyndy:

Ak guş bolup uçsamdym,
Öz ilime düşsemdim,
Öz ilimiñ suwundan
Ýatyp-ýatyp içsemdim!

Ata Watandan üzñe ýaşaýan türkmen maşgalalarynda önüp-ösýän çagalaryñ öz ene dilini ýitirmän saklamagy we ösdürmegi üçin bu kitap ene-atalara uly goldaw bolar diýip, umyt edýäris. Ene dilini öz çagalaryna, agtyk-çowluklaryna miras goýmak isleýän türkmenleriñ gollanma derejesindäki edebi kitabyñ duşundan biperwaý geçip gitmejegine ynanýarys.

Latyn elipbiýinde çap edilen bu kitapda çagalar üçin gyzykly goşgular, tapmaçalar, ýañyltmaçlar, hekaýalar, ertekiler bar. Olaryñ köpüsini durmuşda ýygy-ýygydan ulanyp boljak. Meselem, çaganyñ Ýaş toýunda, Europa senesi boýunça Täze ýyl bellenilende, Nowruz baýramynda, Gurbanlykda ýatdan aýdyp boljak goşgularyñ we sanawaçlaryñ bolmagy ýygyndynyñ gymmatyny has-da artdyrýar. Onda çagalar üçin hekaýalar we türkmen halk ertekileriniñ öñ okyjylar köpçüligine mälim bolmadyk, avtor tarapyndan halk arasyndan ýazylyp alnan nusgalary-da bar.

Kitapda pasyllaryñ, aýlaryñ her birine degişli alamatlary görkezýän goşgujyklaryñ uly toplumy ýerleşdirildi. Ol goşgularyñ wezipesi ösüp gelýän ýaş çagalaryñ ýüreginde töweregimizdäki gözel tebigatyñ görküne söýgi oýarmak. Gyşyñ, ýazyñ, tomsuñ, güýzüñ görki nämede? Dürli aýlaryñ tebigat bilen nähili sazlaşygy bar? Çagalar bu soraglara kitapdan ýönekeý we degerli jogaplary tapyp bilerler.

”AK GUŞ BOLUP UÇSAMDYM!” kitabyndaky goşgulary, tapmaçalary ýatdan öwrenmek añsat. Sebäbi olaryñ dili ýönekeý we akgynly. Türkmen çagalary olary ýat tutup, dürli toý-baýramlarda uly höwes, söýgi bilen gaýtalarlar diýip, umyt edýäris.

”GÜN” neşirýaty kitaba sargytlary toplaýär. Islegleriñizi aşakdaky adrese ýollap bilersiñiz: gunesh.redaktor@gmail.com

Kitap 190 sahypadan ybarat. Ol reñkli suratlar bilen bezelen, daşy reñkli we laminirlenen (lowurdyly). Kitaby bezän suratçylar: Kseniya Samarina we Elman Kerimov.

Bahasy:
1 nusgasy - 12 EURO,
2 nusgasynyñ her biri - 10 EURO,
3 nusgadan başlap, her biriniñ bahasy - 9 EURO.

Kitaba gelen sargytlar:
Germaniýa, Teýmir Kor, 10 nusga.
Russia, Wepa Durdyev, 10 nusga.
Russia, Myrat Bäşiev, 2 nusga.
Fransiýa, Gulnabat Kertikova, 8 nusga.
Şvesiýa, Sapar Jumaev, 1 nusga.
Vengriýa Altyn,1 nusga.
Germaniýa Ýusup Kor, 10 nusga.
Döwran, Sweden, 1 nusga.
Jemile, Praga, 1 nusga.

Gadyrly ildeşler, ”DIRILIK SUWY” kitaby şved dilinde neşir edildi. Bu kitapda türkmen halk ertekileriniñ täze nusgalaryny şved dilinde okap bilersiñiz. Kitap reñkli suratlar bilen bezelen, daşy laminirlenen (lowurdyly). Kitap 108 sahypadan ybarat we onda 12 sany türkmen halk ertekisi ýerleşdirildi.

”DIRILIK SUWY” kitaby (onuñ şvedçe ady ”EVIGHETENS KÄLLA”) şved dilinde okaýan okyjylara niýetlenen we kitap dükanlarynda satylýar. Bu kitaby edinmäge isleg bildirenler ony “GÜN” neşirýatynyñ özünden ýa-da “BOKHANDEL” kitap magazinlerinden satyn alyp bilerler.

Neşirýatdan satyn alynsa, kitabyñ 1 nusgasynyñ bahasy: 100 SEK + post çykdajysy.

Şvesiýada ýaşaýan türkmenler “DIRILIK SUWY” kitabyndan saýlama türkmen ertekilerini şved dilinde okap bilerler. Agzalan kitaplar türkmen we şved çagalaryna gyzykly Täze ýyl sowgady bolar!

“BOKHANDEL” kitap magazininden bizde ozal neşir edilen “AKPAMYK” kitabyny-da satyn alyp bilersiñiz. “AKPAMYK” şved dilinde çap edilen türkmen halk ertekileriniñ ilkinji ýygyndysydyr. Bu kitaby-da siz dine bir kitap magazinlerinden däl-de, eyes neşirýatyñ özünden-de satyn alyp bilersiñiz.

Neşirýatyñ özünden agzalan kitaplary satyn almak üçin sargytlaryñyzy biziñ e-mail adresimize iberip bilersiñiz: gunesh.redaktor@gmail.com

“GÜN” neşirýaty
Sweden